İnflyasiya nədir?

Heç fikir vermisinizmi ki, bir neçə il əvvəl eyni məbləğdə pulla daha çox məhsul almaq mümkün idi, amma indi həmin pulla daha az alış-veriş edirik? Bunun əsas səbəblərindən biri inflyasiyadır.

İnflyasiya – iqtisadiyyatda mal və xidmətlərin ümumi qiymət səviyyəsinin müəyyən müddət ərzində davamlı artmasıdır. İnflyasiya baş verdikdə pulun alıcılıq qabiliyyəti, yəni eyni məbləğdə pulla əldə edə biləcəyimiz məhsul və xidmətlərin miqdarı azalır.

Məsələn, ötən il 10 manata aldığımız məhsulun qiyməti bu il 11 manat olubsa, həmin məhsulun qiyməti 10 faiz artıb.

İnflyasiyanın müxtəlif səbəbləri var: istehsal xərclərinin yüksəlməsi, tələbin artması, təchizat problemləri və pul-kredit şəraitindəki dəyişikliklər.

Bəs inflyasiya həmişə mənfi haldırmı? Xeyr! Bir çox ölkənin mərkəzi bankı aşağı və sabit inflyasiya səviyyəsini iqtisadi fəaliyyət üçün məqsədəuyğun hesab edir. Lakin yüksək və gözlənilməz inflyasiya insanların alıcılıq qabiliyyətinə, yığımlarına və biznes qərarlarına mənfi təsir göstərə bilər.

Unutmayaq: Pulun nominal məbləği dəyişməsə də, onun alıcılıq qabiliyyəti dəyişə bilər!