HEYƏTİMİZ

Tədqiqatçılar

Mərkəzimizin mütəxəssisləri elmin müxtəlif sahələrində innovativ yanaşmalar tətbiq edərək bəşəriyyətin gələcəyinə töhfə verirlər.

Mərkəzin rəhbəri

Etibar Əliyev

Əliyev Etibar Qasım oğlu, 1986-cı ildə Bakı Dövlət Universitetinin Fizika fakültəsini bitirib. Kosmik Tədqiqatlar Elm - İstehsalat Birliyində böyük elmi işçi, Azərbaycan Respublikası Təhsil Nazirliyində aparıcı mütəxəssis, AMEA-nın “Fəlsəfə və sosiologiya” institutunda aparıcı elmi işçi vəzifələrində çalışıb.
VI çağırış Milli Məclisin deputatı olub.
Fəlsəfə üzrə fəlsəfə doktorudur.
6 kitabın, 200-dən çox elmi, publisistik məqalənin müəllifidir.

Tədqiqatçı Heyəti

Tərcüməçi, pedaqoq

Anar Rəhimov

İngilis, Norveç, Rus və Portuqal dillərini bilir. Uzun illər universitet və müxtəlif təhsil strukturlarında elmi-pedaqoji fəaliyyətdə olub.

Şair, tərcüməçi, esseist

Qismət Rüstəmov

Qismət Elçin oğlu Rüstəmov 15 mart 1986-cı ildə Bakı şəhərində anadan olub. 2003–2007-ci illərdə Odlar Yurdu Universitetinin "Jurnalistika" fakültəsində təhsil alıb, 2007–2009-cu illərdə magistratura pilləsini bitirib. 2018-2025-ci illərdə Azərbaycan Dillər Universitetinin "Xarici ölkələr ədəbiyyatı" kafedrasının dissertantı olub. Filologiya üzrə fəlsəfə doktorudur (2025). Müxtəlif illərdə Odlar Yurdu Universiteti, Xəzər Universiteti və Bakı Slavyan Universitetində pedaqoji fəaliyyətlə məşğul olub. Hazırda Azərbaycan Yaradıcılıq Fondunun aparat rəhbəri, sim-sim.az ədəbiyyat saytının baş redaktorudur. "Vitrin" (2010), "Meqapolis hüznləri" (2011), "Gələcəyin tarixi" (2016, 2020), "Qumru əlifbası" (2020), "Güzgülü pərdə" (2024), "Tanış küçələrin birində" (2025) adlı kitabların müəllifidir. 2011-ci ildə Vaja Pşavela adına beynəlxalq poeziya mükafatına layiq görülüb.

Yeni dövr Azərbaycan ədəbiyyatının nümayəndəsi

Aqşin Yenisey

1978-ci ildə Cəlilabad rayonunda anadan olub. Bakı Dövlət Universitetinin coğrafiya fakültəsini bitirib. Yeni dövr Azərbaycan ədəbiyyatının nümayəndələrindən biridir.